ishtiaq ahmed 
اردوورلڈ کینیڈا( ویب نیوز)ن لیگ کے قائد نواز شریف چھ سال کے بعد پھر ن لیگ کے بلا مقابلہ صدر منتخب ہوگئے ،پارٹی کے جنرل کونسل اجلا س سے خطاب میں کہا کہ آج ثاقب نثار کا فیصلہ ردی کی ٹوکری میں ڈال دیا گیا ہے، ان لوگوں کو بلائیں جنہوں نے یہ فیصلہ دیا کہ نواز شریف کو ہمیشہ کے لیے فارغ کر دیا گیا ہے ثاقب نثار نے مجھے تاحیات پارٹی کی صدارت سے ہٹا دیا ہے، آج لوگوں نے ثاقب نثار کے فیصلے کو رد کر دیا ہے میں آج پھر آپ کے سامنے کھڑا ہوں
انہوں نے کہا کہ میرے خلاف کیا فیصلہ ہوا بیٹے سے تنخواہ نہیں لی میں نے اپنے بیٹے سے تنخواہ نہیں لی تو میں نے تمہارے بیٹے سے تنخواہ نہیں مانگی تھی
نواز شریف نے کہا کہ انہوں نے میرے اور شہباز شریف کے تعلقات میں دراڑیں پیدا کرنے کی کوشش کی مجھے اپنے بھائی پر فخر ہے شہباز شریف کو بتایا گیا. نواز شریف کو چھوڑ دو اور آپ وزیر اعظم بن جائیں، میں گواہ ہوں کہ شہباز نے کہا کہ میں ایسی وزارت عظمیٰ کو ٹھوکر مارتا ہوں جس میں کسی کو اپنے بھائی سے بے وفائی کرنی پڑتی ہے، وہ جیل چلا گیا لیکن ایسا نہیں کیا.
نواز شریف نے اپنی بیٹی مریم نواز کو مبارکباد دی اور کہا کہ مریم نے جیل کا وقت گزارا، پارٹی کو متحرک کیا اور ہر امتحان شاہد خاقان عباسی نے میرے ساتھ جیل کا وقت گزارا اور ہمت بھی نہیں ہاری.
انہوں نے کہا کہ 1990 میں جب حکومت بنی اور وزیراعظم کا تقرر ہوا اور درمیان میں ٹانگیں نہیں کھینچی جاتیں تو غربت اور بے روزگاری جیسی کوئی چیز نہ ہوتی
نواز شریف نے کہا کہ عمران خان نے اپنی سیاست کا آغاز فوج کے کندھوں سے کیا. مولانا، چوہدری پرویز الٰہی اور دیگر جو کینیڈا سے آئے تھے وہاں موجود تھے، پھر دھرنا شروع ہوا اور مجھے عہدہ چھوڑنے کا پیغام دیا گیا، میں نے کہا کہ جو کرنا ہے وہ کرو. نواز شریف نے کبھی استعفیٰ نہیں دیا.
نواز شریف نے کہا کہ جنرل ظہیر الاسلام کے اپنے الفاظ ہیں کہ ہم نے مختلف پارٹیوں کو آزمایا، ہم نے تیسری فورس کو مدعو کیا، ہم نے تیسری قوت کا نظام کو پی ٹی آئی کے اندر دیکھا. عمران خان ہمیں طعنہ دینے سے پہلے ہمیں بتائیں کہتیسری قوت تم نہیں تھے، تو وہ کون تھا
انہوں نے عمران خان کو چیلنج کیا کہ اگر تیسری قوت آپ نہ ہوتی تو میں وعدہ کرتا ہوں کہ میں سیاست سے ریٹائر ہو کر گھر چلا جاؤں گا، انہی لوگوں نے آپ کی اور آپ کی سیاست کی بنیاد رکھی ہمیں کہا گیا کہ ہم آپ کے گلے میں رسی ڈال کر باہر لائیں گے. یہ امپائر کی انگلی تھی جس کا عمران خان نے بارہا زکر کیا
انہوں نے کہا کہ عمران خان کو پہلے قوم کو ان باتوں کا جواب دینا چاہئے اور پھر ہم سے بات کرنی چاہئے، ہم 9 مئی کو نہیں بلکہ 28 مئی کے ہیں
