اردو ورلڈ کینیڈا ( ویب نیوز )لاہور میں سیاسی سرگرمیاں جاری ہیں، آزاد کشمیر کے سابق وزیراعظم سردار تنویر الیاس اور جہانگیر ترین کے درمیان ملاقات ہوئی۔

آزاد کشمیر کے سابق وزیراعظم سردار تنویر الیاس اور جہانگیر ترین کے درمیان ہونے والی ملاقات میں دونوں رہنما ئوں نے مستقبل کی سیاسی صورتحال پر تبادلہ خیال کیا۔

بعد ازاں آزاد کشمیر کے سابق وزیراعظم سردار تنویر الیاس نے میڈیا سے گفتگو کرتے ہوئے کہا کہ جہانگیر ترین سے اچھے تعلقات ہیں، جہانگیر ترین اور ہم سب مل کر چلیں گے، پہلی ترجیح پاکستان ہے، اس حوالے سے کام جاری ہے

ان کا کہنا تھا کہ آج جہانگیر ترین سے ملاقات ہوئی، ملاقات میں اتفاق ہوا کہ ساتھ چلیں گے، آنے والے دنوں میں اچھی خبریں سنیں گے۔

سردار تنویر الیاس کا مزید کہنا تھا کہ گزشتہ دنوں کئی ملاقاتیں ہوئیں، چوہدری شجاعت اور امیر جماعت اسلامی سے بھی ملاقاتیں ہوئیں۔

نعمان لنگڑیال نے کہا کہ 9 مئی کے واقعات کی جتنی مذمت کی جائے کم ہے ہم سے جتنے لوگوں نے رابطہ کیا ہے ان کے اچھے خیالات ہیں

اجلاس میں فیصل حیات جبوانہ، ترین گروپ کے اجمل چیمہ نے بھی شرکت کی۔

واضح رہے کہ جہانگیر ترین نے گزشتہ دنوں فردوس عاشق اعوان سمیت دیگر سیاسی رہنما ئوں سے ملاقاتیں کی تھیں۔