اردو ورلڈ کینیڈا ( ویب نیوز ) سعودی عرب نے خواتین کو محرم کے بغیر عمرہ کرنے کی اجازت دینے کا اعلان کردیا۔
سعودی عرب کے وزیر برائے حج و عمرہ ڈاکٹر توفیق الربیعہ نے ایک بیان میں کہا ہے کہ خواتین کے لیے عمرہ کرنے کے لیے محرم کی شرط ختم کر دی گئی ہے اور اب خواتین بغیر محرم کے عمرہ کر سکیں گی۔
انہوں نے مزید کہا کہ عمرہ ویزوں کی کوئی تعداد طے نہیں کی گئی اور دنیا بھر سے کسی بھی قسم کے ویزے پر سعودی عرب آنے والے افراد اب عمرہ کر سکتے ہیں۔
وزیر حج و عمرہ نے کہا کہ وہ حج اور عمرہ کے اخراجات کم کرنا چاہتے ہیں لیکن اس کا انحصار بہت سی دوسری چیزوں پر ہے مسجد الحرام کے توسیعی منصوبے کی لاگت
200 ارب سعودی ریال سے تجاوز کر گئی ہے۔ یہ مسجد الحرام کی تاریخ کا سب سے بڑا توسیعی منصوبہ ہے جس پر کام جاری ہے۔
ڈاکٹر توفیق نے مزید کہا کہ حرم شریف کے زائرین کو سہولیات فراہم کرنے کے لیے جدید ٹیکنالوجی کا استعمال اور ڈیجیٹلائز کیا گیا ہے جس میں روبوٹ کا استعمال بھی شامل ہے۔
