اردو ورلڈ کینیڈا ( ویب نیوز ) سعودی عرب یوکرین کو 400 ملین ڈالر کی انسانی امداد دے گا۔

سعودی وزیر خارجہ شہزادہ فیصل بن فرحان نے صورتحال کا جائزہ لینے کے لیے یوکرین کے شہر کیف کا دورہ کیا جب کہ شہزادہ فیصل بن فرحان نے مفاہمت کی یادداشت پر دستخط کیے۔

سعودی میڈیا کے مطابق وزیر خارجہ نے یوکرین کے صدر ولادیمیر زیلینسکی سے ان کی رہائش گاہ پر ملاقات کی۔ سعودی میڈیا کے مطابق شہزادہ فیصل بن فرحان نے ان ملاقاتوں میں باہمی دلچسپی کے علاقائی اور بین الاقوامی امور کے علاوہ مختلف شعبوں میں دوطرفہ تعاون بڑھانے کے مواقع پر تبادلہ خیال کیا۔

سعودی میڈیا کا کہنا ہے کہ سعودی عرب کی سفارتی کوششوں کا مقصد یوکرین کے بحران کو پرامن طریقے سے حل کرنا اور جنگ کے سماجی اور اقتصادی منفی اثرات کو کم کرنے کے لیے یوکرین اور اس کے عوام کو مدد فراہم کرنا ہے۔