سعودی وزارت خارجہ کی جانب سے جاری بیان میں کہا گیا ہے کہ شام میں ایرانی سفارتخانے کے قونصلر سیکشن پر اسرائیلی حملے کی مذمت کرتے ہیں اور یہ حملہ بین الاقوامی سفارتی قوانین اور استثنیٰ کی صریح خلاف ورزی ہے اور اسے نشانہ بنانے پر تشویش ہے۔ ایرانی سفارتخانہ۔ سفارتی عملے یا تنصیبات کو نشانہ بنانے کا کوئی بہانہ جواز نہیں بنایا جا سکتا۔اس سے قبل پاکستان نے بھی شام میں ایرانی سفارت خانے کے قونصلر سیکشن پر اسرائیلی حملے کی شدید مذمت کرتے ہوئے کہا تھا کہ ایرانی سفارت خانے پر اسرائیلی حملہ شام کی خود مختاری کی ناقابل قبول خلاف ورزی ہے اور یہ حملہ بین الاقوامی قوانین اور اقوام متحدہ کی بھی خلاف ورزی ہے۔

متاثرین کے اہل خانہ، ایرانی حکومت اور عوام کے ساتھ تعزیت کرتے ہیں۔واضح رہے کہ گزشتہ روز اسرائیل نے شام کے دارالحکومت دمشق میں ایرانی سفارت خانے کے قونصلر سیکشن پر فضائی حملہ کیا تھا جس کے نتیجے میں متعدد سفارت کاروں سمیت 8 افراد ہلاک ہوگئے تھے۔ ان میں ایرانی پاسداران انقلاب کی قدس بریگیڈ کے سینیئر کمانڈر رضا زاہدی بھی شامل ہیں۔