رپورٹ کے مطابق سعودی عرب نے اپنے شہریوں کو پاکستان سمیت 25 ممالک کے غیر ضروری سفر سے گریز کرنے کی ہدایات جاری کی ہیں۔سعودی محکمہ صحت کی جانب سے جاری کردہ فہرست کے مطابق دیگر ممالک میں بھارت، بنگلہ دیش، افغانستان، عراق، شام، نیپال اور نائجیریا شامل ہیں۔سعودی محکمہ صحت کا کہنا ہے کہ ان ممالک میں متعدی امراض اور طبی سہولیات کے معیار کے پیش نظر اپنے شہریوں کو غیر ضروری سفرسے گریز کرنے کی ہدایات جاری کی گئی ہیں۔سعودی محکمہ صحت کے مطابق ان بیماریوں میں ڈینگی، ہیضہ، پولیو، زرد بخار، خسرہ، مونکی پوکس، ملیریا اور کوویڈ 19 شامل ہیں۔