اسٹیٹ بینک کے مطابق، سعودی فنڈ برائے ترقی (SFD) نے مملکت سعودی عرب کی جانب سے 3 بلین ڈالر کے ڈپازٹ کی مدت میں مزید ایک سال کی توسیع کردی ہےجو 5 دسمبر 2023 کو ختم ہوجائے گی۔

یہ رقم اسلامی جمہوریہ پاکستان کی جانب سے اسٹیٹ بینک آف پاکستان (SBP) میں جمع کرائی جاتی ہے۔ ڈپازٹ کی مدت میں توسیع سعودی عرب کی طرف سے اسلامی جمہوریہ پاکستان کو فراہم کی جانے والی امداد کا تسلسل ہے۔

اسٹیٹ بینک کا کہنا ہے کہ سعودی عرب کے اس اقدام سے پاکستان کے زرمبادلہ کے ذخائر کو برقرار رکھنے اور ملک کی معاشی ترقی میں مدد ملے گی۔

3 بلین ڈالر کے ڈپازٹ معاہدے پر ابتدائی طور پر SFD نے اسٹیٹ بینک آف پاکستان کے ساتھ 2021 میں دستخط کیے تھے۔

شاہی فرمان جاری ہونے کے بعد اسے 2022 میں دوبارہ جاری کیا گیا جو دونوں برادر ممالک کے درمیان قریبی تعلقات کے تسلسل کا عکاس ہے۔