اردو ورلڈ کینیڈا ( ویب نیوز )سعودی عرب نے پیر کے روز تمام قومیتوں کے زائرین کے عمرہ ویزے میں تین ماہ کی توسیع کا اعلان کیا ہے۔
یہ اعلان سعودی وزیر حج و عمرہ ڈاکٹر توفیق الربیعہ نے ازبکستان کے اپنے دو روزہ سرکاری دورے کے دوران کیا۔
سعودی گزٹ کے مطابق اب عازمین مشرق وسطیٰ میں ایک ماہ سے تین ماہ تک قیام کر سکتے ہیں۔ الربیعہ نے کہا کہ ویزے ‘نسک نامی آن لائن پلیٹ فارم کے ذریعے جاری کیے جاتے ہیں جس سے حجاج کرام کے لیے آسانی ہوتی ہے۔
نئی سروس کا آغاز گزشتہ سال نومبر میں کیا گیا تھا تاکہ بیرون ملک مقیم زائرین کو موبائل ایپلی کیشنز کے ذریعے مکہ مکرمہ اور مدینہ منورہ کی مقدس مساجد کے لیے عمرہ اور وزٹ پرمٹ حاصل کرنے میں سہولت فراہم کی جا سکے۔
"سعودی ڈیٹا اینڈ آرٹیفیشل انٹیلی جنس اتھارٹی (SDAIA) کے تعاون سے، وزارت حج و عمرہ نے ایک نئی سروس شروع کرنے کا اعلان کیا ہے جس کے تحت بیرون ملک مقیم زائرین کو مسجد نبوی میں عمرہ اور نماز کے لیے اجازت نامہ حاصل کرنے کے ساتھ ساتھ مسجد نبویؐ کی زیارت کے لیے بھی اجازت دی جائے گی۔
وزارت نے کہا کہ یہ سروس سعودی "قدم” پلیٹ فارم پر رجسٹر ہونے کے بعد ہی ایپلی کیشنز کے ذریعے موثر ہوگی۔
وزارت نے Eatmarna اور Tawakkalna ایپلی کیشنز کے تمام صارفین پر زور دیا کہ وہ پہل کریں اور دونوں ایپلی کیشنز کو اپنے موبائل ایپ اسٹورز پر اپ ڈیٹ کریں۔
