اردو ورلڈ کینیڈا ( ویب نیوز ) سعودی ولی عہد شہزادہ محمد بن سلمان نے ملک میں چار نئے خصوصی اقتصادی زونز متعارف کراد ئیے

عرب میڈیا کے مطابق سعودی ولی عہد محمد بن سلمان نے یہ اقتصادی زونز عالمی سرمایہ کاری میں ملکی معیشت کی پوزیشن کو مستحکم کرنے کے لیےمتعارف کرائے ہیں جس میں خصوصی مراعات بھی رکھی گئی ہیں۔

عرب میڈیا کے مطابق ان زونز میں کام کرنے والی کمپنیاں متعدد مراعات سے لطف اندوز ہو سکیں گی، جن میں مسابقتی کارپوریٹ ٹیکس کی شرح، درآمدات پر کسٹم ڈیوٹی سے استثنی، پروڈکشن ان پٹ، مشینری، خام مال اور دنیا میں کہیں سے بھی قابل ترین ہنر شامل ہیں۔ .

دیگر فوائد میں ملازمت میں آسانی شامل ہے۔اس کے علاوہ ریاض، جازان، راس الخیر اور کنگ عبداللہ اکنامک سٹی میں نئے اقتصادی زونز میں غیر ملکیوں کی اپنی کمپنیوں کی 100 فیصد ملکیت ہوگی۔ اس موقع پر سعودی ولی عہد محمد بن سلمان نے کہا کہ سعودی عرب ایک ایسا کاروبار شروع کر رہا ہے جس میں دنیا بھر کے سرمایہ کاروں کو خوش آمدید کہا جائے گا، اس سے ہزاروں لوگوں کو روزگار ملے گا اور مملکت کی جی ڈی پی میں بھی اضافہ ہوگا۔