ان کا مزید کہنا تھا کہ علاقائی ممالک اور صیہونی حکومت کے درمیان تعلقات فلسطینی عوام اور فلسطینیوں کی پیٹھ میں چھرا گھونپنے کے مترادف ہوں گے۔دوسری جانب امریکی ٹی وی کو انٹرویو دیتے ہوئے شہزادہ محمد بن سلمان نے کہا کہ ایران سعودی عرب کے ساتھ تعلقات کی بحالی کے لیے سنجیدہ اقدامات کر رہا ہے۔اسرائیل کے ساتھ سعودی عرب کے تعلقات کے حوالے سے سعودی ولی عہد نے کہا کہ اسرائیل کے ساتھ تعلقات معمول پر لانے کی جانب پیش رفت ہو رہی ہے، ہم ہر گزرتے دن کے ساتھ قریب تر ہو رہے ہیں۔
یہ بھی پڑھیں
ایران نے جوہری ہتھیار حاصل کیے تو ہم بھی کرینگے ،سعودی ولی عہد
مسئلہ فلسطین کے تناظر میں امریکی ثالثی میں ہونے والے مذاکرات کی معطلی کی تردید کرتے ہوئے شہزادہ محمد بن سلمان کا کہنا تھا کہ مسئلہ فلسطین ہمارے لیے بہت اہم ہے، ہم سب سے پہلے اس مسئلے کو حل کرنا چاہتے ہیں، اس لیے ہمیں دیکھنا ہوگا کہ یہ کیسے ہوتا ہے۔ انہوں نے امید ظاہر کرتے ہوئے کہا کہ امید ہے کہ ہم ایسے مقام پر پہنچ جائیں گے جس سے فلسطینیوں کی زندگی کی مشکلات میں کمی آئے گی۔
