اردو ورلڈ کینیڈا ( ویب نیوز ) سعودی عرب نے کل افغانستان کے دارالحکومت کابل میں اپنا سفارتی مشن شروع کیا۔

سعودی سفارت خانے کا کہنا ہے کہ مشن کی بحالی کا مقصد افغانوں کو خدمات فراہم کرنا ہے۔ایک بیان میں سفارتی مشن نے کہا کہ یہ قدم سعودی عرب کے برادرانہ تعلقات اور دوطرفہ تعاون کے عزم کی عکاسی کرتا ہے جسے دونوں ممالک کے درمیان فروغ دیا جائے گا۔اگست 2021 میں افغان جمہوری حکومت کے خاتمے کے بعد کئی غیر ملکی سفارت خانوں نے کابل میں اپنی سرگرمیاں معطل کر دیں اور ملک میں رسمی نمائندگی ختم ہو گئی۔سعودی عرب کے سفارت خانے کے عملے نے بھی سیکورٹی خدشات کے پیش نظر 5 فروری 2023 کو کابل چھوڑ دیا۔