اردو ورلڈ کینیڈا ( ویب نیوز ) سعودی عرب مسلم ممالک کا قابل فخر ،مقدس اور عظیم ملک ہے ،امریکہ کے صدر ڈونلڈ ٹرمپ ان دنوں سعودی عرب کے دورہ پر ہیں۔
دارالحکومت ریاض میں ایک تقریب سے خطاب کرتے ہوئے امریکی صدر ڈونلڈ ٹرمپ نے کہا کہ وہ شہزادہ محمد بن سلمان کو بہت پسند کرتے ہیں۔. محمد بن سلمان اپنے لوگوں کی بہت اچھی نمائندگی کرتے ہیں اور محنت کرتے ہیں۔ٹرمپ نے کہا کہ ایسا نہیں لگتا کہ شہزادہ محمد بن سلمان رات کو سوتے ہیں۔ رات کو بھی وہ صرف اپنے ملک کی ترقی کے بارے میں سوچتے ہیں۔ سعودی عرب کو ترقی یافتہ اور مستحکم بنانے میں شہزادہ محمد بن سلمان کا اہم کردار ہے۔امریکی صدر نے کہا کہ وہ جو کچھ کر رہے ہیں وہ شہزادہ محمد بن سلمان کے لیے ہے۔امریکی صدر نے فٹ بال ورلڈ کپ کی میزبانی پر سعودی ولی عہد کی تعریف بھی کی اور فیفا کے صدر کی بھی تعریف کی۔
واضح رہے کہ امریکی صدر ڈونلڈ ٹرمپ کے منگل کو سعودی عرب کے دورے کے دوران امریکہ اور سعودی عرب کے درمیان 142 بلین ڈالر کے دفاعی معاہدوں پر دستخط ہوئے تھے۔وائٹ ہاؤس کا کہنا ہے کہ دفاعی معاہدہ 600 بلین ڈالر کے سعودی سرمایہ کاری کے وعدے کا حصہ ہے۔دفاعی معاہدوں میں GE گیس ٹربائنز کی برآمدات، 14.2 بلین ڈالر کا توانائی کے شعبے کا معاہدہ، اور 4.8 بلین ڈالر کا بوئنگ 737 طیاروں کا معاہدہ شامل ہے۔امریکی صدر ڈونلڈ ٹرمپ نے سعودی عرب پر زور دیا کہ وہ اسرائیل کو تسلیم کرے اور کہا کہ سعودی عرب کے لیے اسرائیل کو تسلیم کرنا اعزاز کی بات ہوگی۔ڈونلڈ ٹرمپ نے کہا کہ یہ ان کی امید، خواہش اور خواب ہے کہ سعودی عرب جلد ہی اسرائیل کے ساتھ تعلقات بحال کرے گا اور براہیمی معاہدے کا حصہ بن جائے گا۔
