اردوورلڈ کینیڈا( ویب نیوز)ضلعی انتظامیہ کے ترجمان نے واضح کیا ہے کہ وفاقی دارالحکومت میں ممکنہ سیاسی سرگرمیوں کے پیش نظر دفعہ 144 پہلے سے نافذ ہے۔اس قانون کے تحت شہر میں ہر قسم کے اجتماعات اور سیاسی سرگرمیوں پر پابندی لگا دی گئی ہے۔

ادھر امن و امان برقرار رکھنے کے پیش نظر صوبہ پنجاب اور بلوچستان میں 8 فروری کو دفعہ 144 نافذ کر دی ہے، جس کے بعد دونوں صوبوں میں کسی بھی طرح کے دھرنے، جلسےاور جلوسوں پر پابندی عائد ہوگی ہے۔
ضلعی انتظامیہ کے ترجمان کے مطابق کسی بھی غیر قانونی اجتماع یا سرگرمی میں ملوث افراد کے خلاف سخت کارروائی کی جائے گی۔. انتظامیہ نے شہریوں سے اپیل کی کہ وہ کسی بھی غیر قانونی سرگرمی میں حصہ لینے سے گریز کریں اور قانون کی تعمیل کو یقینی بنائیں۔.
اسلام آباد میں امن و امان برقرار رکھنے کے لیے یہ اقدامات کیے جا رہے ہیں اور انتظامیہ کا کہنا ہے کہ قانون کی خلاف ورزی پر کسی کو رعایت نہیں دی جائے گی شہریوں سے درخواست کی گئی ہے کہ وہ کسی بھی ممکنہ ناخوشگوار صورتحال سے بچنے کے لیے غیر قانونی اجتماعات سے دور رہیں۔.