اردوورلڈ کینیڈا ( ویب نیوز)وزیر اعلیٰ پنجاب مریم نواز شریف نے کہا ہے کہ 7 ستمبر 1965 پاک فضائیہ کی تاریخ کا روشن باب ہے۔یوم فضائیہ پر اپنے پیغام میں مریم نواز شریف نے کہا کہ ہم پاک فضائیہ کے شاہینوں کو سلام پیش کرتے ہیں، آج کا دن پاک فضائیہ کے شاہینوں کی پیشہ وارانہ مہارت اور لازوال قربانیوں کو خراج تحسین پیش کرنے کا دن ہے۔
انہوں نے کہا کہ 7 ستمبر 1965 پاک فضائیہ کی تاریخ کا ایک روشن باب ہے۔ پاک فضائیہ کے شاہین صفت پائلٹ ایم ایم عالم نے 1965 کی جنگ میں ایک منٹ میں 5 بھارتی طیارے تباہ کر کے ریکارڈ بنایا۔ مریم نواز شریف نے کہا کہ پاک فضائیہ کا ناقابل فراموش کردار دفاعی تاریخ میں سنہری حروف سے لکھا جائے گا۔