کابل ،فوجی ہوائی اڈے کے باہر دھما کہ ،متعدد افراد جاں بحق

غیر ملکی خبر رساں ادارے کے مطابق افغان وزارت داخلہ کے ترجمان نے دھماکے کی تصدیق کی

تاہم اس کی نوعیت کے بارے میں نہیں بتایا۔ عبدالنفی ٹھاکر نے کہا کہ کابل ملٹری ایئرپورٹ کے

باہر ہونے والے دھماکے میں ہمارے کئی بے گناہ شہری شہید اور زخمی ہوئے۔ واقعے کی اطلاع ملتے ہی

ریسکیو ادارے اور سیکیورٹی فورسز نے جائے وقوعہ کو گھیرے میں لے کر علاقے کو سیل کردیا

جب کہ تمام راستے بند کردیے گئے۔عینی شاہدین کے مطابق دھماکہ صبح 8 بجے کے قریب ایئرپورٹ کمپلیکس کے

سخت حفاظتی حصار میں ملٹری ایریا میں ہوا۔امدادی کارکنوں نے لاشوں اور زخمیوں کو اسپتال منتقل کردیا ہے

متعدد زخمیوں کی حالت تشویشناک بتائی جارہی ہے جس کے باعث ہلاکتوں میں اضافے کا خدشہ ہے۔

سیکیورٹی فورسز کی جانب سے ملزمان کی گرفتاری کے لیے علاقے میں سرچ آپریشن جاری ہے۔

واقعے کی تحقیقات شروع کردی گئی ہیں اور دھماکے کی نوعیت معلوم کی جارہی ہے۔ ابھی تک کسی تنظیم نے

دھماکے کی ذمہ داری قبول نہیں کی ہے۔ واضح رہے کہ داعش نے حال ہی میں افغانستان میں کئی حملے

کیے ہیں جن میں پاکستانی اور روسی سفارت خانوں کو بھی نشانہ بنایا گیا جب کہ سابق افغان وزیر اعظم کے

دفتر پر بھی حملہ کیا گیا۔

کابل،فوجی ہوائی اڈے کے باہر دھما کہ،متعدد افراد جاں بحق