اردو ورلڈ کینیڈا ( ویب نیوز )اسلام آباد کی ڈسٹرکٹ اینڈ سیشن عدالت نے پاکستان تحریک انصاف (پی ٹی آئی) کے رہنما شاہ محمود قریشی، اسد عمر اور اسد قیصر کی درخواست ضمانت مسترد کردی۔
ایڈیشنل سیشن جج طاہر عباس سپرا نے درخواستوں پر فیصلہ محفوظ کر لیاتھا جو سنا دیا گیا

عدالت نے شاہ محمود قریشی اور اسد عمر کے خلاف تھانہ ترنول اور اسد قیصر کے خلاف تھانہ سنگجانی میں دائر درخواست خارج کر دی۔
پیشی کے لیے الگ الگ آنے والے تینوں رہنما ضمانتوں پر رہائی کے بعد کمرہ عدالت سے باہر چلے گئے تاہم گرفتاری کے پیش نظر تینوں رہنما مختلف دروازوں سے کمرہ عدالت سے باہر چلے گئے، شاہ محمود اور اسد عمر کمرہ عدالت کے دروازے پر کھڑے ہو کر فیصلہ سنتے رہے
شاہ محمود قریشی اور اسد عمر دونوں گاڑی میں بیٹھ کر عدالت سے روانہ ہوئے جب کہ اسد قیصر فیصلہ سنانے سے پہلے ہی روانہ ہوگئے۔
تینوں افراد پر عمران خان کی جوڈیشل کمپلیکس میں پیشی کے موقع پر توڑ پھوڑ اور شہریوں کو تشدد پر اکسانے کے مقدمات درج ہیں۔