اردوورلڈ کینیڈا( ویب نیوز )سابق اپوزیشن لیڈر راجہ ریاض نے دعویٰ کیا ہے کہ پاکستان تحریک انصاف (پی ٹی آئی) کے وائس چیئرمین شاہ محمود قریشی معاہدے کے تحت باہر ہیں، ان کا معاہدہ ہے کہ وہ پی ٹی آئی کے لیے کام نہیں کریں گے اور چیئرمین پی ٹی آئی کے خلاف ہیں۔

نجی ٹی وی کے پروگرام میں گفتگو کرتے ہوئے راجہ ریاض نے کہا کہ عام انتخابات فروری میں ہوں گے، میں کچھ نہیں کہہ سکتا کہ پی ٹی آئی الیکشن میں اترے گی یا نہیں۔
شاہ محمود قریشی کی تنقید پر انہوں نے کہا کہ شاہ محمود قریشی نے پی ٹی آئی کے لیے کام نہ کرنے کا معاہدہ کیا ہے۔ کچھ کہنے سے پہلے اپنی پوزیشن واضح کریں۔ میں نے چیئرمین پی ٹی آئی کے بارے میں جو کہا وہ سچ ثابت ہوا۔
اندر کی کہانی سناتے ہوئے راجہ ریاض نے کہا کہ نگراں وزیراعظم کے لیے اسحاق ڈار اور شاہد خاقان کے ناموں پر غور نہیں کیا گیا۔
انہوں نے کہا کہ نگراں کابینہ میں ماہرین اقتصادیات کے نام ہوسکتے ہیں، نگراں وزیر خزانہ معاشی ماہر ہوگا، میرے خیال میں نگراں وزیر خزانہ ٹیکنوکریٹ ہوگا۔