اردوورلڈ کینیڈا ( ویب نیوز)تحریک انصاف کے وائس چیئرمین شاہ محمود قریشی کے وکیل بیرسٹر تیمور ملک نے کہا ہے کہ اڈیالہ جیل حکام نے شاہ محمود قریشی کے اہل خانہ کو ان سے ملاقات کی اجازت دینے سے انکار کر دیا۔

اپنے ایک بیان میں بیرسٹر تیمور ملک نے کہا کہ شاہ محمود قریشی کی بیٹی گھنٹوں انتظار کے بعد اپنے والد سے ملے بغیر واپس آگئی۔

انہوں نے کہا کہ شاہ محمود قریشی نے کسی بھی تحریری بیان پر دستخط کرنے سے انکار کر دیا ہے جس سے ان کے سیاسی اور جمہوری حقوق متاثر ہوں۔

بیرسٹر تیمور ملک نے مزید کہا کہ اطلاعات ہیں کہ شاہ محمود قریشی کو آج اٹک جیل منتقل کیا جا رہا ہے، شاہ محمود قریشی کو دوسری جیل منتقل کرنا عدالتی احکامات کی کھلی خلاف ورزی ہو گی۔