بھارتی میڈیا رپورٹس میں کہا گیا ہے کہ میگا ہٹ ‘ڈان سیریز کی آنے والی فلم ‘ڈان 3’ میں شاہ رخ خان کے مرکزی کردار سے باہر ہونے کے بعد بالی ووڈ سپر اسٹار پریانکا چوپڑا نئے ہیرو رنویر سنگھ کے ساتھ مرکزی کردار میں نظر آئیں گی۔

پریانکا چوپڑا نے ‘ڈان  اور ‘ڈان 2’ میں شاہ رخ خان کی ہیروئن کا کردار ادا کیا تھا لیکن دونوں اسٹارز کے درمیان رومانس کی افواہوں کے بعد شاہ رخ خان نے پریانکا چوپڑا کے ساتھ کسی فلم میں کام نہیں کیا۔ ڈان سیریز میں پریانکا کا کردار جنگلی بلی کے نام سے مشہور ہوا اور شائقین نے پریانکا اور شاہ رخ کی جوڑی کو بے حد پسند کیا۔

ڈائریکٹر فرحان اختر کی جانب سے ‘ڈان 3’ میں شاہ رخ خان کے بجائے رنویر سنگھ کو کاسٹ کرنے کے اعلان نے بالی ووڈ میں ہلچل مچا دی کیونکہ سیریز کی پہلی دونوں فلموں میں شاہ رخ خان ‘ڈان  کے روپ میں نظر آئے تھے۔