اردو ورلڈ کینیڈا ( ویب نیوز )پی ٹی آئی کے سینئر رہنما شہباز گل کو اسلام آباد ہائی کورٹ (IHC) نے اپنے خلاف درج بغاوت کے مقدمے میں بعد از گرفتاری ضمانت حاصل کرنے کی کوشش کے بعد ضمانت دے دی۔

عدالت نے شہباز گل کو رہا کرنے کا حکم دے دیا ہے اسلام آباد ہائی کورٹ نے فریقین کے دلائل سننے کے بعد بغاوت کے مقدمے میں شہباز گل کو رہا کرنے کا حکم  دیتے ہوئے 5 لاکھ روپے کے مچلکے جمع کرانے کی ہدایت کی ہے۔

پی ٹی آئی کے چیئرمین عمران خان کے چیف آف اسٹاف گل گزشتہ ماہ سے حراست میں ہیں جب ایک نجی ٹی وی چینل کے پروگرام کے دوران اپنے ریمارکس کے ذریعے پاک فوج کے اندر بغاوت پر اکسانے پر ان کے خلاف غداری کا مقدمہ درج ہونے کے بعد انہیں گرفتار کیا گیا تھا۔

سیاستدان نے درخواست میں تھانہ کوہسار کے ایس ایچ او، سٹی مجسٹریٹ غلام مرتضیٰ اور دیگر کو فریق نامزد کرتے ہوئے کہا کہ انہیں کوہسار پولیس نے 9 اگست کو گرفتار کیا تھا۔

مسلسل کوششوں کے باوجود ٹرائل کورٹ سے ضمانت حاصل کرنے میں ناکامی کے بعد گل نے گزشتہ جمعہ کو IHC سے رجوع کیا تھا۔
.