اردو ورلڈ کینیڈا ( ویب نیوز )مسلم لیگ (ن) کی سینئر نائب صدر مریم نواز نے کہا ہے کہ حکومت سنبھالی تو پاکستان ڈیفالٹ کے دہانے پر تھا، مشکل ترین حالات کے باوجود وزیر خزانہ اسحاق ڈار نے پاکستان کی معیشت کو سنبھالا۔
پارٹی کے جنرل کونسل اجلاس میں اپنے خطاب کے دوران انہوں نے کہا کہ شہباز شریف نے ہمیشہ محمد نواز شریف کو اپنا صدر سمجھا ہے، منتخب امیدواروں کو مبارکباد پیش کرتی ہوں، محمد شہباز شریف نے پاکستان کے ڈوبتے جہاز کا ساتھ دیا۔
شہباز شریف نے نواز شریف سے مشاورت کے بغیر کوئی فیصلہ نہیں کیا۔
مریم نواز نے کہا کہ نواز شریف مسلم لیگ (ن) کے ہر کارکن کے دل میں بستے ہیں، پارٹی آج چٹان کی طرح کارکنوں کی حمایت سے مضبوط ہے، شہباز شریف نے نواز شریف کے مشورے کے بغیر کوئی فیصلہ نہیں کیا۔
انہوں نے کہا کہ مشکلات کے باوجود نواز شریف نے صبر اور بلند حوصلے کا دامن نہیں چھوڑا، نواز شریف نے قوم کو کبھی توڑ پھوڑ اور گھیراؤ کا درس نہیں دیا، لیڈر قوم کا استاد ہوتا ہے اور لیڈر قوم کے لیے مثال ہوتا ہے۔
عمران خان عبرت کا نشان بن چکااب اسے ووٹ دینے کوئی نہیں آئے گا، مریم نواز
میری گرفتاری پر نواز شریف نے نیب افسران سے کہا کہ یاد رکھیں وقت ایک جیسا نہیں رہتا۔
مسلم لیگ (ن) کے سینئر نائب صدر نے کہا کہ میں کبھی کبھی تقریر کے دوران جذباتی ہو جاتا ہوں، پھر نواز شریف کا پیغام آتا ہے، بیٹا سکون سے رہو۔
مریم نواز نے کہا کہ کیا آپ کو کبھی کسی نے سیاست یا پارٹی چھوڑنے کا کہا؟ تبدیلی لانے والے وہیں سے چلے گئے جہاں سے آئے تھے۔
انہوں نے کہا کہ ہیلی کاپٹر حادثے کے شہداء کا مذاق اڑایا گیا، شہداء پوری قوم کے ہیں، مجھے پوری امید ہے کہ گھناؤنے جرم کے مرتکب اپنے انجام کو پہنچیں گے۔
