اردو ورلڈ کینیڈا ( ویب نیوز )وزیر اعظم شہباز شریف تین روزہ غیر ملکی دورے پر لاہور سے لندن روانہ ہو گئے۔تفصیلات کے مطابق وزیر اعظم شہباز شریف اپنے وفد کے ہمراہ خصوصی طیارے میں دورے پر روانہ ہو گئے، شہباز شریف لاہور سے براہ راست لندن پہنچیں گے جہاں وہ ہفتے کو بادشاہ کی دعوت پر شاہی تاج پوشی کی تقریب میں شرکت کریں گے۔
برطانیہ روانگی سے قبل سماجی رابطے کی ویب سائٹ ٹوئٹر پر اپنے ایک بیان میں وزیراعظم محمد شہبازشریف نے کہا کہ پاکستان اور برطانیہ کے درمیان تعلقات کی جڑیں مشترکہ تاریخ میں پیوست ہیں اور دونوں ممالک کے درمیان کئی دہائیوں کے دوران کثیرالجہتی تعلقات مضبوط ہوئے ہیں۔
Leaving for the UK today to represent Pakistan at the the coronation ceremony of His Majesty King Charles III. The UK-Pakistan relations are rooted in shared history & multifaceted bonds that have grown stronger over the decades. The British monarch & the royal family have been…
— Shehbaz Sharif (@CMShehbaz) May 3, 2023
وزیراعظم نے کہا کہ برطانوی شاہی خاندان ہمیشہ سے پاکستان کا عظیم دوست رہا ہے، بادشاہ چارلس سوم کی تاج پوشی کی تقریب میں شرکت کے علاوہ کامن ویلتھ لیڈرز کانفرنس میں بھی شرکت کروں گا۔
ان کا مزید کہنا تھا کہ اس موقع پر عالمی رہنما ئوں کے ساتھ دو طرفہ بات چیت کا موقع ملے گا۔
اس کے علاوہ وزیراعظم شہباز شریف برطانیہ میں نواز شریف سے بھی ملاقات کریں گے، وزیراعظم نواز شریف کو موجودہ سیاسی، معاشی اور پارٹی صورتحال پر بریفنگ دیں گے۔
