اردوورلڈ کینیڈا ( ویب نیوز)حکومتی اتحاد کی دو بڑی جماعتوں پیپلز پارٹی اور مسلم لیگ (ن) کے درمیان آئندہ مالی سال کے بجٹ پر اختلافات کے بعد وزیراعظم شہباز شریف کی زیر صدارت آج اہم اجلاس ہوگا۔

اجلاس میں وزیر خارجہ بلاول بھٹو زرداری اور دونوں جماعتوں کے وزرا اور مالیاتی امور کے ماہرین شرکت کریں گے۔

یاد رہے کہ بلاول بھٹو نے سوات میں جلسے سے خطاب کرتے ہوئے وزیر اعظم سے بجٹ میں وعدے پورے نہ کرنے کی شکایت کی تھی اور خبردار کیا تھا کہ اگر بجٹ کے لیے رقم نہ ملی تو پیپلز پارٹی بجٹ منظور نہیں ہونے دے گی۔

بلاول بھٹو کے بیان پر مسلم لیگ ن کے رہنما اور وفاقی وزیر احسن اقبال نے کہا کہ نیا محاذ کھولنے سے گریز کیا جائے، کابینہ میں بات کریں۔