ishtiaq ahmed 
اردو ورلڈ کینیڈا ( ویب نیوز )شاہین شاہ آفریدی پولیس میں بھرتی ہوگئے ؟؟؟؟ قومی کرکٹر نے پولیس کی وردی پہنی اور اس کی وجہ بھی بتا دی کہ وہ خیبرپختونخوا پولیس کے خیر سگالی سفیر بن گئے ہیں۔
خیبرپختونخوا پولیس نے قومی کرکٹر شاہین شاہ آفریدی کے اعزاز میں پشاور میں تقریب کا انعقاد کیا جس میں آئی جی خیبرپختونخوا معظم جہاں انصاری اور دیگر پولیس حکام نے شرکت کی۔
تقریب سے خطاب کرتے ہوئے شاہین آفریدی نے کہا کہ کے پی پولیس کے لیے خیر سگالی سفیر بننا اعزاز کی بات ہے۔
انہوں نے کہا کہ میں کے پی پولیس کو سلام پیش کرتا ہوں، ان کی قربانیاں سب کے سامنے ہیں، میرے والد نے پولیس کی نمائندگی کی ہے اور میرا بھائی اب بھی پولیس میں ہے، پولیس کی ڈیوٹی بہت مشکل ہے۔
قومی کرکٹر نے کہا کہ فخر زمان سمیت تقریب میں موجود تمام کرکٹرز کے پی پولیس اور فورسز کے سا تھ ہیں۔
ائی جی پولیس نے @iShaheenAfridi کو اعزاری ڈی ایس پی رینک لگادیا @PeshawarCCPO @KP_Police1 @TheRealPCBMedia pic.twitter.com/Y0rrjB5eVJ
— Fayaz Ahmad (@fayazahmed90) July 4, 2022
