اردو ورلڈ کینیڈا ( ویب نیوز ) قومی کرکٹ ٹیم کے سابق کپتان اور چیف سلیکٹر شاہد آفریدی نے قومی ٹیم کو بھارت میں شیڈول ورلڈ کپ کھیلنے اور جیتنے کا مشورہ دے دیا۔

ایک نجی ٹی وی چینل کو دیے گئے انٹرویو میں سابق کپتان اور چیف سلیکٹر شاہد آفریدی نے پاکستان کرکٹ بورڈ (پی سی بی) کی مینجمنٹ کمیٹی کے سربراہ نجم سیٹھی کی جانب سے ایشیا کپ کے حوالے سے مسلسل موقف بدلنے پر تنقید کرتے ہوئے کہا کہ انہیں سمجھنا چاہیے۔

پی سی بی کا سربراہ ہونا ایک بڑی ذمہ داری ہے اس لیے انہیں اپنی پوزیشن مسلسل تبدیل نہیں کرنی چاہیے۔انہوں نے کہا کہ نجم سیٹھی کبھی کہتے ہیں ایشیا کپ یہاں ہونا چاہیے، کبھی کہتے ہیں ایشین ایونٹ انگلینڈ میں ہونا چاہیے، مجھے سمجھ نہیں آتی کہ وہ ہر جگہ انٹرویو کیوں دے رہے ہیں۔

یہ بھی پڑھیں

حارث کو رضوان کے ساتھ اوپننگ کرنی چاہیے،شاہد آفریدی

سابق کپتان کا کہنا تھا کہ بورڈ کا چیئرمین مضبوط اعصاب والا شخص ہونا چاہیے، بڑھاپا بھی منفی اثرات مرتب کرتا ہے، ذمہ داری کسی مضبوط اعصاب کے ساتھ ہونی چاہیے۔ایشیا کپ کے لیے بھارت کی ٹیم نہ بھیجنے کی وجہ سے پاکستان کی جانب سے ورلڈ کپ میں اپنی ٹیم نہ بھیجنے کی دھمکی پر شاہد آفریدی نے کہا کہ بھارت نہ جانے کا کیوں کہہ رہے ہیں، اسے مثبت انداز میں لینا چاہیے، انہیں بتانا چاہیے۔ کھلاڑی اور کپتان ورلڈ کپ جیت کر بھارت کو تھپڑ مار کر واپس آئیں ۔