اردو ورلڈ کینیڈا ( ویب نیوز ) شیخ محمد بن عبدالرحمن الثانی کوامیر قطر نے نیا وزیراعظم مقرر کردیا۔ بین الاقوامی خبر رساں ادارے کے مطابق قطر کے امیر تمیم بن حمد الثانی نے شیخ خالد بن خلیفہ بن عبدالعزیز الثانی کے مستعفی ہونے کے بعد وزیر خارجہ شیخ محمد بن عبدالرحمن کو وزیر اعظم مقرر کر دیا ہے۔

شیخ محمد بن عبدالرحمن جو جنوری 2016 سے وزیر خارجہ ہیں، وزیر خارجہ کے فرائض انجام دیتے رہیں گے۔ 2017 میں نائب وزیر اعظم بننے کے بعد بھی وہ وزارت خارجہ کا چارج سنبھالے ہوئے تھے۔

یہ بھی پڑھیں

قطر میں تارکین وطن کو اجرت نہ ملنے کی شکایات بہت زیادہ ہیں: اقوام متحدہ

ملک کے نئے وزیراعظم کو خزانہ اور معیشت کا بھی تجربہ ہے۔ انہوں نے 2014 میں قطر فنڈ برائے ترقی اور 2018 میں قطر انویسٹمنٹ اتھارٹی کی سربراہی کی، جبکہ 2005 سے 2009 تک کونسل میں اقتصادی امور کے ڈائریکٹر کے طور پر بھی خدمات انجام دیں۔

2009 میں، شیخ محمد بن عبدالرحمن چھوٹے اور درمیانے درجے کے کاروباری سپورٹ پروجیکٹ کے ڈائریکٹر ہوتے ہوئے، امیر قطر تمیم بن حمد کا اعتماد جیتنے میں کامیاب ہوئے۔

مزید پڑھیں

قطر انویسٹمنٹ اتھارٹی پاکستان میں 3 ارب ڈالر کی سرمایہ کاری کرے گی