89
اردو ورلڈ کینیڈا ( ویب نیوز ) شیخ رشید نے چیئرمین پی ٹی آئی عمران خان کو اسٹیبلشمنٹ سے مفاہمت کا مشورہ دے دیا۔
گزشتہ روز پریس کانفرنس کرتے ہوئے شیخ رشید نے اسٹیبلشمنٹ سے لڑائی کی مخالفت کرتے ہوئے عمران خان کو مفاہمت کا مشورہ دیتے ہوئے کہا کہ جو کرنا تھا وہ ہوگیا، اب آگے چلتے ہیں، میری خواہش ہے کہ عمران خان اسٹیبلشمنٹ سے مفاہمت کرلیں۔
عوامی مسلم لیگ کے سربراہ کا کہنا تھا کہ عمران خان کے خلاف تحریک عدم اعتماد آئی لیکن اصل ہاتھ نواز شریف کے ساتھ ہوا ہے، نواز شریف کے دل میں جو ہے وہی رہے گا، شہباز، زرداری اور فضل الرحمان جو چاہیں گے وہی ہوگا۔ .
شیخ رشید کا مزید کہنا تھا کہ 17 جولائی پاکستان کے سیاسی مستقبل کا فیصلہ کرے گا، ضمنی انتخابات میں دھاندلی ہوئی تو عمران خان قوم کو سڑکوں پر لائیں گے۔
