88
نئے انتخابات ،سابق وفاقی وزیر داخلہ اور عوامی مسلم لیگ کے سربراہ شیخ رشید نے دعویٰ کیا ہے کہ ضمنی انتخابات کے بجائے نئے انتخابات پر معاملات طے پا گئے ہیں۔
تفصیلات کے مطابق شیخ رشید نے سماجی رابطے کی ویب سائٹ ٹوئٹر پر اپنا بیان جاری کرتے ہوئے آصف علی زرداری کا نام لیے بغیر کہا کہ قرنطینہ میں رکھے گئے افراد نے بھی الیکشن کے حوالے سے اتفاق کیا ہے۔
شیخ رشید نے کہا ہے کہ صرف فضل الرحمان رہ گئے ہیں
انہوں نے مزید کہا ہے کہ وہ نہ تو سرعام جانے کے قابل ہیں، نہ بچ سکتے ہیں اور نہ ہی باہر سے بلائے جائیں گے، اب فیصلہ عوام کریں گے۔
سابق وزیر داخلہ نے کہا کہ جمہوریت مذاق اور اسمبلی مذاق بن چکی ہے، بحران سری لنکا سے لبنان، عراق اور اب پاکستان تک آرہا ہے، یورپ میں چار حکومتیں ختم ہوچکی ہیں۔
