اردوورلڈ کینیڈا ( ویب نیوز )عوامی مسلم لیگ کے سربراہ اور سابق وفاقی وزیر داخلہ شیخ رشید نے کہا ہے کہ عدلیہ ستمبر سے قبل آئین اور قانون کے مطابق اہم فیصلے سنائے۔
سماجی رابطے کی ویب سائٹ ٹوئٹر پر اپنے پیغام میں سابق وزیر داخلہ شیخ رشید نے کہا کہ آج اسمبلیاں تحلیل کرنے کا آخری دن ہے اور حکومت بجلی کے صارفین پر 721 ارب روپے کا بوجھ ڈالے گی۔
آج اسمبلیوں کی تحلیل ہونے کا آخری دن ہے اور حکومت جاتے جاتے بجلی صارفین پر 721 ارب روپے کا 6 روپے مزید بنیادی یونٹ کے اضافے کا بوجھ ڈال کے جا رہی ہے نگران وزیراعظم کا نام ابھی فضاء میں لٹک رہا ہےایک دو روز میں زمین پر اتر آئے گاکیوں کے عوام میں جانے کے قابل نہیں ہیں اس لیے مردم…
— Sheikh Rashid Ahmed (@ShkhRasheed) August 9, 2023
انہوں نے کہا کہ نگراں وزیراعظم کا نام ابھی تک ہوا میں معلق ہے، ایک دو دن میں اتر جائے گا، عوام میں جانا مناسب نہیں، اس لیے مردم شماری کے نام پر تاخیری حربے استعمال کررہے ہیں
شیخ رشید نے کہا کہ آئینی معاملات کا فائدہ ان لوگوں کو ہوگا جو الیکشن میں تاخیر چاہتے ہیں۔ یاد رہے کہ سینیٹ کے انتخابات بھی مارچ میں ہونے ہیں۔ تمام سیاسی فیصلے عدالتوں میں ہوتے ہیں اور عدالتوں کے گرد گھومتے ہیں۔
انہوں نے کہا کہ عوام کے چولہے نہیں جل رہے، انہیں سیاست کے چولہے جلانے اور بجھانے میں کوئی دلچسپی نہیں، معاشی تباہی، سیاسی انتشار، آئین کی تباہی اور قانون کا مذاق اڑانا پاکستان کی سیاست کا مقدر بن چکا ہے۔ بلاول کا کہنا ہے کہ ایسا جمہوری چارٹر ہونا چاہیے جو مریم اور میرے لیے 30 سال کے لیے آسان راستہ فراہم کرے۔
سابق وزیر داخلہ نے کہا کہ اگر 15 ماہ میں اتنی ترقی ہوئی ہے تو الیکشن سے کیوں بھاگ رہے ہیں۔ وہ عوام میں کیوں نہیں جا رہے؟
ان کا مزید کہنا تھا کہ اسٹاک ایکسچینج ایک دن میں 1000 پوائنٹس کی کمی سے 302 ڈالر پر پہنچ گئی ہے، 10 لاکھ نوجوان ملک چھوڑ رہے ہیں اور پاکستان کے حالات اور سیاسی مسائل سنگین ہوتے جارہے ہیں۔
