اردو ورلڈ کینیڈا ( ویب نیوز ) امریکی کانگریس میں پاکستان کاکس کی سربراہ کانگریس وومن شیلا جیکسن لی کا انتقال ہو گیا ہے۔میڈیا رپورٹس کے مطابق شیلا جیکسن لی کی عمر 74 سال تھی اور انہیں لبلبے کے کینسر کی تشخیص ہوئی تھی۔ہیوسٹن سے تعلق رکھنے والی شیلا جیکسن ٹیکساس سے تعلق رکھنے والی ڈیموکریٹک کانگریس کے سب سے طویل عرصے تک خدمات انجام دینے والے ارکان میں سے ایک تھیں۔

شیلا جسکن نے اپنے سیاسی کیریئر کا آغاز 1994 میں بطور ڈیموکریٹ کیا، پہلے پرائمری انتخابات میں 4 بار کے ڈیموکریٹ کریگ واشنگٹن کو شکست دی۔حکومت پاکستان نے شیلا جیکسن کو ان کی خدمات کے اعتراف میں ستمبر 2022 میں ہلال پاکستان سے نوازا۔شیلا جیکسن عوامی میٹنگوں میں شرکت کرنے اور ہیوسٹن کے اپنے علاقے کے لیے وفاقی فنڈنگ کے لیے لڑنے کے لیے بھی جانی جاتی تھیں، انہوں نے شہر کے لائٹ سسٹم کو بہتر بنانے کے لیے 2009 میں $1 بلین کا وعدہ کیا. رقم منظور کر لی گئی۔