اردو ورلڈ کینیڈا ( ویب نیوز)پنجاب کے مختلف شہروں میں پٹرول کی مبینہ قلت ہے اور بیشتر پٹرول پمپس بند ہیں۔

اطلاعات کے مطابق فیصل آباد، گوجرانوالہ، سرگودھا میں زیادہ تر پٹرول پمپ بند ہیں۔ بیشتر پٹرول پمپس پر پٹرولیم مصنوعات کی فروخت بند ہے جبکہ چند کھلے پٹرول پمپوں پر گاڑیوں کی لمبی قطاریں لگی ہوئی ہیں۔

شکر گڑھ، خوشاب، گوجرہ، منڈی بہاؤالدین میں بھی چند پیٹرول پمپ کھلے ہیں۔ شہریوں کا کہنا ہے کہ جو پٹرول پمپ کھلے ہیں وہ موٹر سائیکل سواروں کو 200 روپے، کار مالکان کو 500 روپے کا پٹرول فراہم کر رہے ہیں۔

پیٹرول پمپ مالکان کا کہنا ہے کہ پیٹرولیم ڈیلرز کی جانب سے پیٹرولیم مصنوعات کی ترسیل کم ہورہی ہے۔

مختلف شہروں میں پٹرول کی قلت ،کئی علاقوں میں پمپس بند ، گاڑیوں کی لمبی قطاریں 

واضح رہے کہ یکم فروری سے قبل بھی پنجاب کے بیشتر شہروں میں پیٹرول کی مصنوعی قلت تھی تاہم وزیر خزانہ کی جانب سے پیٹرولیم مصنوعات کی قیمتوں میں اضافے کے اعلان کے فوری بعد یہ مصنوعی قلت ختم ہوگئی تھی