کئی اہم محکمے، جن میں اسپیس ایجنسی  ناسا (NASA)  بھی شامل ہے، بند کر دیے گئے ہیں، جبکہ لاکھوں سرکاری ملازمین کو جبری چھٹیوں پر بھیج دیا گیا ہے۔

ناسا نے اپنی آفیشل ویب سائٹ پر اعلان کیا کہ فنڈز معطل ہونے کے بعد ادارے کی تمام سرگرمیاں روک دی گئی ہیں۔  15 ہزار سے زائد ملازمین کو عارضی طور پر فارغ کر دیا گیا۔ صرف چند منتخب اہلکار ذمہ داری نبھائیں گے تاکہ ایسے مشنز متاثر نہ ہوں جنہیں روکنے سے خلا نوردوں کی جانوں کو خطرہ لاحق ہو سکتا ہے یا انتہائی حساس آپریشن متاثر ہوں۔

 7 لاکھ 50 ہزار وفاقی ملازمین  کو زبردستی رخصت پر بھیج دیا گیا۔

 (امریکی کانگریس کی عمارت) اور لائبریری آف کانگریس کو بھی وزیٹرز کے لیے بند کر دیا گیا۔ فضائی سفر متاثر ہوگا، سائنسی تحقیق کے منصوبے معطل ہو گئے ہیں۔ امریکی فوجیوں کو تنخواہیں نہیں مل سکیں گی۔عوامی سرگرمیاں اور دیگر سرکاری خدمات بھی معطل ہو گئی ہیں۔

ڈونلڈ ٹرمپ  نے خبردار کیا ہے کہ اگر بحران حل نہ ہوا تو بڑے پیمانے پر برطرفیاں ہو سکتی ہیں۔

نے میڈیا بریفنگ میں کہا کہ یہ کہنا مشکل ہے کہ شٹ ڈاؤن کب تک جاری رہے گا۔وائٹ ہاؤس کی ترجمان کیرولائن لیوٹ  نے بھی متنبہ کیا ہے کہ اگر شٹ ڈاؤن دو دن مزید برقرار رہا تو ہزاروں وفاقی ملازمین اپنی ملازمتوں سے ہاتھ دھو سکتے ہیں۔

یہ شٹ ڈاؤن اس وقت شروع ہوا جب **سینیٹ** نے عبوری فنڈنگ بل مسترد کر دیا۔ ریپبلکنز اور ڈیموکریٹس  ایک دوسرے کو اس بحران کا ذمہ دار ٹھہرا رہے ہیں۔  حکومت کو 100 رکنی ایوان میں بل منظور کرانے کے لیے 60 ووٹ درکار ہیں۔ریپبلکن جماعت کے پاس 53 نشستیں  ہیں، لہٰذا بل کی منظوری کے لیے ڈیموکریٹس کی حمایت لازمی ہے۔  سینیٹ آج دوبارہ حکومتی فنڈنگ بل پر ووٹنگ کرے گی۔امریکہ میں اس سے پہلے بھی کئی بار شٹ ڈاؤن ہو چکے ہیں، لیکن اس بار اس کا اثر **ناسا کی عالمی خلائی سرگرمیوں، فضائی سفر، فوجی تنخواہوں اور تحقیقی منصوبوں پر بیک وقت پڑنا عالمی سطح پر تشویش کا باعث بن گیا ہے۔