اردوورلڈ کینیڈا( ویب نیوز)چین کے وزیر اعظم لی کیانگ نے کہا ہے کہ چین پاکستان کی ترقی میں اپنا کردار ادا کرتا رہے گا۔.پاکستان اور چین کے درمیان مختلف معاہدوں پر دستخط کی تقریب اسلام آباد میں منعقد ہوئی جس میں وزیر اعظم پاکستان شہباز شریف اور چینی وزیر اعظم لی کیانگ نے بھی شرکت کی۔.
تقریب میں دونوں ممالک کے درمیان سمارٹ کلاس رومز کے حوالے سے دستاویزات کا تبادلہ کیا گیا، تقریب میں سی پی ای سی کے تحت گوادر میں 7ویں جوائنٹ ورکنگ گروپ کے اجلاس کے نکات کی دستاویز کا تبادلہ کیا گیا، تقریب میں ترقی سے متعلق ایک دستاویز کا تبادلہ کیا گیا۔ پاکستان اور چین کے درمیان انسانی وسائل کا تبادلہ بھی ہوا۔
دونوں ممالک کے درمیان اطلاعات و مواصلات کے شعبوں میں تعاون کے حوالے سے مفاہمت کی ایک یادداشت پر دستخط کیے گئے، پاکستان اور چین کے درمیان آبی وسائل کے شعبے میں مفاہمت کی ایک یادداشت پر بھی دستخط کیے گئے اور دونوں ممالک کے درمیان ایک دستاویز کا تبادلہ بھی کیا گیا۔
تقریب کے دوران پاکستان اور چین کے وزرائے اعظم نے گوادر انٹرنیشنل ایئرپورٹ کا عملی افتتاح کیا۔.
اس موقع پر بات کرتے ہوئے چینی وزیر اعظم لی کیانگ نے کہا کہ اس منصوبے کی تکمیل کے لئے پاکستان اور چین کی افرادی قوت کی کوششیں قابل ستائش ہیں، گوادر بین الاقوامی ہوائی اڈے کی تکمیل ایک اہم سنگ میل ہے۔.
انہوں نے کہا کہ گوادر علاقائی ترقی کا محور ہے اور دونوں ممالک کے درمیان مضبوط دوستی کی بھی عکاسی کرتا ہے۔. چین پاکستان کی ترقی کے لیے اپنا کردار ادا کرتا رہے گا۔. پاکستان کے عوام کی خوشحالی ہمارے دلوں کے بہت قریب ہے. وقت کے ساتھ ساتھ دونوں ممالک کی اسٹریٹجک شراکت داری گہری ہوتی جا رہی ہے۔.
تقریب سے خطاب کرتے ہوئے وزیراعظم شہباز شریف نے کہا کہ پاکستان اور چین نے صنعت، زراعت اور تجارت کے شعبوں میں مفاہمت کی کئی یادداشتوں کا تبادلہ کیا ہے۔. دوطرفہ معاہدہ دونوں دوست ممالک کے درمیان ایک نیا باب ہے۔.
