اردو ورلڈ کینیڈا ( ویب نیوز)پاکستان اور افغانستان کے درمیان دوہرے ٹیکس سے بچنے کے کنونشن پر دستخط ہو گئے۔
تفصیلات کے مطابق فیڈرل بورڈ آف ریونیو میں پاکستان اور افغانستان کے وفود کے درمیان مذاکرات کا تیسرا دور اسلام آباد میں ہوا۔ دونوں وفود کے درمیان بات چیت دوستانہ ماحول میں ہوئی۔

ذرائع کا کہنا ہے کہ تفصیلی بات چیت کے بعد دونوں فریقین نے متفقہ مسودے پر اتفاق کیا ہے، متفقہ مسودے پر دونوں وفود کے سربراہان نے دستخط کیے۔

اس موقع پر چیئرمین ایف بی آر عاصم احمد نے افغان وفد کا پاکستان میں خیرمقدم کرتے ہوئے کہا کہ کنونشن سے دونوں برادر ممالک کے درمیان اقتصادی تعلقات مزید مضبوط ہوں گے۔

افغان وفد کی سربراہی ریونیو لیگل سروسز کے ڈائریکٹر جناب ندا محمد صدیقی اور پاکستانی وفد کی سربراہی ڈائریکٹر جنرل انٹرنیشنل ٹیکس آپریشنز، ایف بی آر، ساجد اللہ صدیقی کر رہے تھے۔