اردوورلڈ کینیڈا ( ویب نیوز)پنجاب کے مختلف شہروں میں فضائی آلودگی خطرناک حد تک بڑھ گئی ہے۔.صوبائی دارالحکومت لاہور فضائی آلودگی کے لحاظ سے دنیا میں پہلے نمبر پر ہے،
شہر میں سموگ کی اوسط شرح 753 تک پہنچ گئی ہے۔.لاہور کے مختلف علاقوں میں ڈی ایچ اے فیز 8 کا ایئر کوالٹی انڈیکس 1391، امریکن قونصلیٹ 860 جبکہ مال روڈ ایریا کا ایئر کوالٹی انڈیکس 806 جبکہ عسکری 10 ایریا کا اے کیو آئی 725 تک پہنچ گیا ہے۔.
اس کے علاوہ ملتان کا اے کیو آئی 527، اسلام آباد 226 اور راولپنڈی کا ایئر کوالٹی انڈیکس 248 تک پہنچ گیا۔.
ہوا میں زہریلے ذرات کی وجہ سے شہریوں کو سانس لینے سمیت کئی بیماریوں کا سامنا ہے۔.
واضح رہے کہ سموگ بڑھنے کی وجہ سے تمام پارکوں، کھیل کے میدانوں، تاریخی مقامات، یادگاروں، لاہور کے عجائب گھروں میں عوام کے داخلے پر 17 نومبر تک پابندی عائد کر دی گئی ہے جبکہ ہوٹلوں اور بازاروں کو رات 8 بجے تک کھولنے کی اجازت ہے۔
دوسری جانب محکمہ موسمیات کے مطابق آج لاہور شہر کا کم از کم درجہ حرارت 19 ڈگری سیلسیس تک پہنچنے کی توقع ہے جبکہ زیادہ سے زیادہ درجہ حرارت 29 ڈگری سیلسیس تک پہنچنے کی توقع ہے۔
موسم کی پیشن گوئی کرنے والوں کے مطابق لاہور شہر میں بارش کا کوئی امکان نہیں ہے۔.
