اردو ورلڈ کینیڈا ( ویب نیوز)ملکہ کوہسار مری میں برف باری کا سلسلہ جاری ہے، اس سلسلے میں ٹریفک پولیس مری نے سیاحوں کے لیے ٹریفک ایڈوائزری جاری کر دی ہے۔

مری اور گلیات میں برفباری کے بعد سردی کی شدت میں اضافہ ہوگیا، ایوبیہ، نتھیا گلی، چھانگلہ گلی اور باڑیاں میں 3 سے 4 انچ تک برف پڑ چکی ہے
سیاح مری جانے کے لیے اچھی گاڑی کا انتخاب کریں، مری میں صرف لائسنس یافتہ ڈرائیور کو داخلے کی اجازت ہوگی۔

یہ خبربھی پڑھیں

برفباری کے دوران مال روڈ پر ٹریفک کا داخلہ بند

ایڈوائزری میں کہا گیا ہے کہ منفی درجہ حرارت کی وجہ سے شہری گاڑی میں اینٹی کولنگ مائع استعمال کریں، برف باری کے دوران گاڑی کے ٹائروں پر چین کا استعمال کیا جائے۔

موسم سرما کی پہلی برفباری، موسم مزید سرد ہوگیا

ڈی ایس پی ٹریفک نے کہا کہ گاڑی میں ہیٹر استعمال کرنے کی صورت میں کھڑکیاں مکمل طور پر بند نہ کریں، برف باری کے دوران گاڑی کی رفتار کم کریں اور اوور ٹیکنگ سے گریز کریں۔