اردو ورلڈ کینیڈا ( ویب نیوز ) غیر ملکی میڈیا کے مطابق امریکا کی وسطی ریاستوں میں سردی کی شدت میں مزید اضافہ ہوگیا ہے

برفانی طوفان کے باعث ڈھائی ہزار سے زائد صارفین بجلی سے محروم ہیں۔ رپورٹ کے مطابق واشنگٹن، نیویارک اور شکاگو میں 1400 سے زائد پروازیں منسوخ اور 11000 سے زائد تاخیر کا شکار ہیں۔غیر ملکی میڈیا کے مطابق اوہائیو ویلی میں ایک فٹ تک برف پڑ چکی ہے، واشنگٹن میں 9 انچ تک برف پڑنے کا امکان ہے جس کے باعث اسکول اور سرکاری دفاتر بند کردیے گئے ہیں۔

اس کے علاوہ انگلینڈ، سکاٹ لینڈ اور شمالی آئرلینڈ کے مختلف علاقوں میں بھی شدید سردی پڑ رہی ہے، درجہ حرارت نقطہ انجماد سے نیچے چلا گیا ہے۔رپورٹ کے مطابق اسکاٹ لینڈ کے بعض علاقوں میں درجہ حرارت منفی 11 ڈگری سینٹی گریڈ تک گر گیا، شمالی آئرلینڈ اور انگلینڈ کے ہزاروں گھر بجلی سے محروم ہیں جب کہ مانچسٹر ایئرپورٹ پر فلائٹ آپریشن معطل کردیا گیا ہے۔