120 اردو رولڈ کینیڈا ( ویب نیوز )ایف آئی اے نے اداکارہ کبری خان کی درخواست پر سندھ ہائی کورٹ میں جواب جمع کرا دیا۔
اردو رولڈ کینیڈا ( ویب نیوز )ایف آئی اے نے اداکارہ کبری خان کی درخواست پر سندھ ہائی کورٹ میں جواب جمع کرا دیا۔
سندھ ہائی کورٹ میں میجر (ر)عادل راجہ کے خلاف اداکارہ کبری خان کی درخواست پر سماعت ہوئی، اس دوران ایف آئی اے نے کبری خان کے خلاف مہم چلانے والے سوشل میڈیا اکا ئونٹس سے متعلق رپورٹ جمع کرادی۔
ایف آئی اے کی رپورٹ میں کہا گیا ہے کہ کبری خان کی درخواست پر کارروائی شروع کردی ہے، کبری خان کے خلاف مہم چلانے والے تمام اکا ئونٹس بلاک کرنے کے لیے معاملہ پی ٹی اے کو بھیج دیا گیا ہے،
عدالت نے درخواست گزار کو ایف آئی اے انکوائری میں تعاون کرنے کی ہدایت کرتے ہوئے سماعت 23 جنوری تک ملتوی کردی۔
واضح رہے کہ اداکارہ کبرہ خان نے یوٹیوب کے خلاف عدالت سے رجوع کیا تھا۔ اداکارہ کی جانب سے دائر درخواست میں کہا گیا کہ یوٹیوبر اور سابق فوجی افسر نے میڈیا انڈسٹری کی چار اداکارا ئوں پر جھوٹے الزامات لگا کر ان کی تذلیل کی ، من گھڑت الزامات سے میری اور دیگر اداکارائوں کی عزت و وقار کو ٹھیس پہنچی۔
