اردوورلڈ کینیڈا( ویب نیوز)دوسری شادی کے باعث سوشل میڈیا پر وائرل ہونے والی دانیہ شاہ نے آئندہ انتخابات میں حصہ لینے کا اعلان کر دیا ہے۔
چند روز قبل دانیہ شاہ نے اپنے ویڈیو بیان کے ذریعے حکیم شہزاد نامی اپنے وکیل سے دوسری شادی کی تصدیق کی تھی جس کے بعد دونوں نے اپنی شادی کی تقریب بھی منعقد کی۔
اپنی دوسری شادی کے اعلان کے بعد سے دانیہ شاہ اپنے شوہر حکیم شہزاد کے ساتھ مختلف خبر رساں اداروں اور مقامی صحافیوں کو انٹرویو دیتے ہوئے نظر آ رہی ہیں۔
اب ایک مقامی صحافی کو دیے گئے حالیہ انٹرویو میں حکیم شہزاد نے دانیہ شاہ کی سیاست میں انٹری کے حوالے سے اہم انکشاف کیا ہے۔
حکیم شہزاد نے کہا کہ میری اہلیہ دانیہ شاہ لودھراں سے قومی اسمبلی کا الیکشن لڑیں گی، جبکہ میں خود شجاع آباد سے ایم این اے کا الیکشن لڑوں گا۔
انہوں نے کہا کہ ہم دونوں میاں بیوی آئندہ الیکشن کی تیاری کر رہے ہیں، اگر ہم الیکشن میں کامیاب ہوئے تو پاکستان میں صدارتی نظام لائیں گے۔
پاکستان کے سیاسی رہنماؤں کے بارے میں گفتگو کرتے ہوئے حکیم شہزاد نے کہا کہ مجھ سے ایک صحافی نے سوال کیا کہ اگر عمران خان، آصف زرداری اور نواز شریف آپ کے سامنے ہوں تو آپ ان میں سے کس کے ساتھ بیٹھنا پسند کریں گے؟
انہوں نے اپنی تقریر جاری رکھتے ہوئے کہا کہ میں نے صحافی کو جواب دیا کہ میں ان کے ساتھ بیٹھنے کو ترجیح نہیں دوں گا کیونکہ میں خود لیڈر ہوں، کسی کی تقلید کیوں کروں۔
واضح رہے کہ حکیم شہزاد سے قبل دانیہ شاہ کی شادی مرحوم عامر لیاقت حسین سے ہوئی تھی، دوسری جانب حکیم شہزاد نے دانیہ سے چوتھی شادی کی ہے۔