اردوورلڈ کینیڈا ( ویب نیوز)جمعیت علمائے اسلام ف کا کہنا ہے کہ جے یو آئی کی اپوزیشن اتحاد میں شمولیت کی خبروں سے کچھ حلقے پریشان ہیں اور وہی حلقے بے بنیاد خبریں پھیلا رہے ہیں۔

جے یو آئی (ف) کے ترجمان اسلم غوری نے اپنے ایک بیان میں کہا کہ جے یو آئی کی اپوزیشن اتحاد میں شمولیت کی خبروں سے کچھ حلقے دکھی ہیں اوربے بنیاد خبریں پھیلا رہے ہیں۔
انہوں نے کہا کہ مولانا فضل الرحمان قیادت کے بغیر اپوزیشن اتحاد میں اہم کردار ادا کر رہے ہیں۔ ان کے قائدانہ کردار کو اب کسی عہدے کی ضرورت نہیں۔ مولانا فضل الرحمان کی اتحاد میں شمولیت سے اپوزیشن مزید مضبوط ہو گی۔
اسلم غوری نے کہا کہ ہم آہستہ آہستہ گرینڈ الائنس کی طرف بڑھ رہے ہیں، ایسے بیانات اپوزیشن کے درمیان خلیج کو کم کر رہے ہیں۔
انہوں نے کہا کہ مولانا فضل الرحمان کی پارلیمنٹ میں تقریر کے بعد ان کی کردار کشی کی مہم چلائی جا رہی ہے۔ قوم جانتی ہے کہ موسمی بٹیر کہاں سے متحرک ہوتے ہیں۔