اردو ورلڈ کینیڈا ( ویب نیوز ) اسلام آباد پولیس نے توشہ خانہ کیس میں عمران خان کی پیشی سے متعلق ایس او پیز جاری کر دیئے۔

اسلام آباد پولیس کی جانب سے جاری اعلامیے کے مطابق اسلام آباد میں دفعہ 144 نافذ ہے اور اس پر عمل کرنا ہوگا۔ اعلامیہ میں کہا گیا ہے کہ عدالت کے احاطے میں لاٹھی یا کوئی اور نقصان دہ چیز لانا ممنوع ہے، ریاست مخالف اور اشتعال انگیز نعرے بازی یا اجتماع کی اجازت نہیں ہوگی۔اسلام آباد پولیس کا کہنا ہے کہ عمران خان تمام ایس او پیز پر عملدرآمد کے پابند ہیں۔