اردو ورلڈ کینیڈا ( ویب نیوز ) 3 میچوں کی ٹی ٹوئنٹی سیریز کے پہلے میچ میںجنوبی افریقہ نے پاکستان کو 11 رنز سے شکست دی۔

جنوبی افریقہ نے 3 میچوں کی ٹی ٹوئنٹی سیریز کے پہلے میچ میں پہلے بیٹنگ کرتے ہوئے پاکستان کو جیت کے لیے 184 رنز کا ہدف دیا جس کے تعاقب میں قومی ٹیم مقررہ 20 اوورز میں 8 وکٹوں کے نقصان پر 172 رنز بنانے میں کامیاب رہی۔پاکستان اور جنوبی افریقہ کے درمیان پہلا ٹی ٹوئنٹی میچ ڈربن میں کھیلا گیا جہاں جنوبی افریقہ کے کپتان ہنریک کلاسن نے ٹاس جیت کر پہلے بیٹنگ کا فیصلہ کیا۔

جنوبی افریقہ کی ٹیم نے مقررہ 20 اوورز میں 9 وکٹوں کے نقصان پر 183 رنز بنائے۔. ڈیوڈ ملر اور جارج لنڈے بالترتیب 82 اور 48 رنز کے ساتھ ٹاپ اسکورر رہے۔ہنرک کلاسن 12 رنز بنا کر آؤٹ ہوئے، ہینڈرکس 8 رنز بنا کر اور فریرا 7 رنز بنا کر آؤٹ ہوئے۔پاکستان کی جانب سے شاہین آفریدی اور ابرار احمد نے 3-3 وکٹیں حاصل کیں۔عباس آفریدی نے 2 اور سفیان نے 1 وکٹ حاصل کی۔واضح رہے کہ جنوبی افریقہ کے خلاف پہلے ٹی ٹوئنٹی میچ کے لیے قومی ٹیم میں کپتان محمد رضوان، بابر اعظم، صائم ایوب، عثمان خان، طیب طاہر اور محمد عرفان خان نیازی شامل ہیں۔اس کے علاوہ عباس آفریدی، شاہین شاہ آفریدی، حارث رؤف، سفیان مقیم اور ابرار احمد بھی پہلے ٹی ٹوئنٹی کے لیے قومی ٹیم کا حصہ ہیں۔
میچ کی دوسری اننگز میں جنوبی افریقہ کے 184 رنز کے ہدف کا تعاقب کرتے ہوئے پاکستانی ٹیم مقررہ 20 اوورز میں 8 وکٹوں کے نقصان پر 172 رنز بنانے میں کامیاب رہی۔پاکستان کی جانب سے کپتان محمد رضوان 62 گیندوں پر 74 رنز بنا کر آؤٹ ہوئے، صائم ایوب نے 31 اور طیب طاہر نے 18 رنز بنائے۔بابر اعظم بغیر کوئی رن بنائے پویلین واپس آئے جبکہ کوئی دوسرا پاکستانی کھلاڑی ڈبل فیگر تک نہیں پہنچ سکا۔جنوبی افریقہ کے جارج لنڈے نے 4، مافاکا نے 2، اوتھنیل بارٹ مین اور اینڈلے سمیلن نے 1 ایک وکٹ حاصل کی۔