اردو ورلڈ کینیڈا ( ویب نیوز)سپیکر قومی اسمبلی راجہ پرویز اشرف نے چیئرمین تحریک انصاف عمران خان کو آئین کی گولڈن جوبلی تقریبات میں مدعو کرنے کا فیصلہ کیا ہے۔

آئین کی گولڈن جوبلی تقریبات رواں ہفتے شروع ہوں گی، وزیراعظم شہباز شریف مرکزی تقریب کے مہمان خصوصی ہوں گے۔ تمام سیاسی جماعتوں کے قائدین کو سپیکر مدعو کریں گے۔
ذرائع کا کہنا ہے کہ سپیکر قومی اسمبلی راجہ پرویز اشرف نے چیئرمین پی ٹی آئی عمران خان کو بھی مدعو کرنے کا فیصلہ کیا ہے۔ سابق وزیراعظم کو بطور پارٹی سربراہ مدعو کیا جائے گا۔
سپیکر آفس کے ذرائع کا کہنا ہے کہ عمران خان خود آئیں یا اپنا نمائندہ بھیجیں، یہ ان کی مرضی ہوگی۔
رواں ہفتے عمران خان سمیت تمام سیاسی و پارلیمانی جماعتوں کے سربراہان کو دعوت نامے جاری کیے جائیں گے۔