اردوورلڈ کینیڈا( ویب نیوز) صدر آصف علی زرداری نے وزیراعظم شہباز شریف پر زور دیا ہے کہ وہ بجٹ میں غریبوں اور متوسط طبقے کا خصوصی خیال رکھیں.
وزیر اعظم محمد شہباز شریف نے صدر آصف علی زرداری سے ایوان صدر میں ملاقات کی جس میں وفاقی وزیر برائے منصوبہ بندی اور خصوصی اقدامات احسن اقبال بھی موجود تھے.
دونوں سربراہان مملکت کے درمیان ملاقات کے دوران ملک کی مجموعی معاشی اور مالی صورتحال پر تبادلہ خیال کیا گیا، اس کے علاوہ آئندہ بجٹ میں عوام کو ریلیف فراہم کرنے سے متعلق تجاویز پر تبادلہ خیال کیا گیا.
وزیر اعظم شہباز شریف نے صدر زرداری کو اپنے حالیہ دورہ چین کے بارے میں بھی آگاہ کیا، صدر نے وزیر اعظم کو ملک کی ترقی اور اقتصادی اہداف کے حصول میں تعاون کی یقین دہانی کرائی.
اجلاس کے دوران سربراہان مملکت نے آئندہ بجٹ میں ترقیاتی منصوبوں پر بھی تبادلہ خیال کیا، صدر آصف زرداری نے وزیراعظم پر زور دیا کہ وہ بجٹ میں غریب اور متوسط طبقے کا خصوصی خیال رکھیں.