اردوورلڈکینیڈا( ویب نیوز)آزاد جموں و کشمیر کے مختلف تعلیمی اداروں کے طلبہ و اساتذہ نے ڈی جی آئی ایس پی آر لیفٹیننٹ جنرل احمد شریف چوہدری سے خصوصی نشست میں ملاقات کی۔

اس نشست میں خان محمد خان پوسٹ گریجویٹ کالج، میرپور یونیورسٹی آف سائنس اینڈ ٹیکنالوجی اور گورنمنٹ پوسٹ گریجویٹ کالج فار گرلز کے طلبہ و اساتذہ شریک ہوئے۔

طلبہ نے آپریشن بنیان المرصوص کی کامیابی پر پاک فوج کو مبارکباد پیش کی اور کہا کہ وہ پاک فوج کے ساتھ ہیں اور ملک و خطے کے دفاع کے لیے کسی قربانی سے دریغ نہیں کریں گے۔ ان کا کہنا تھا کہ پاکستان اور کشمیر کو دنیا کی کوئی طاقت جدا نہیں کر سکتی۔

اساتذہ نے اپنے خیالات کا اظہار کرتے ہوئے کہا کہ پاکستان خطے میں استحکام پیدا کرنے والی قوت کے طور پر نمایاں ہو کر سامنے آیا ہے۔