امریکی محکمہ انصاف کی طرف سے جاری کردہ ایک بیان میں کہا گیا ہے کہ سارجنٹ کوربن شولٹز کو جمعرات کو فورٹ کیمبل فوجی اڈے سے گرفتار کیا گیا۔بیان کے مطابق گرفتار اہلکار پر 42 ہزار امریکی ڈالر کے عوض قومی دفاع کی معلومات چین کو فراہم کرنے کا الزام ہے۔

بیان میں فرد جرم کے مطابق شلٹز جون 2022 سے چین کو امریکی قومی دفاع سے متعلق دستاویزات، نقشے اور تصاویر فراہم کر رہا ہے۔بیان میں کہا گیا ہے کہ امریکی انٹیلی جنس اہلکار پر چین کو لڑاکا طیارے، ہیلی کاپٹر، ہائپرسونک آلات، ہائی موبلٹی آرٹلری راکٹ سسٹم (HIMARS) اور امریکی چینی فوج سے متعلق اندرونی دستاویزات فراہم کرنے کا بھی الزام ہے۔