115
اردو ورلڈ کینیڈا ( ویب نیوز ) سری لنکا جو بدترین معاشی بحران کا شکار ہے کو بین الاقوامی مالیاتی فنڈ (آئی ایم ایف) سے بیل ئوٹ پیکج کی پہلی قسط موصول ہوگئی۔
سری لنکا کے صدر رانیل وکرما سنگھے نے پارلیمنٹ میں آئی ایم ایف کی پہلی قسط کی وصولی کی تصدیق کرتے ہوئے کہا کہ آئی ایم ایف کی پہلی قسط سری لنکا کو مالیاتی نظم و ضبط اور گورننس کو بہتر بنانے میں مدد دے گی۔
یہ بھی پڑھیں
معاشی بحران ، سری لنکا کافوج میں کمی کافیصلہ
آئی ایم ایف نے بدترین معاشی بحران کا شکار سری لنکا کے لیے قرض کی منظوری دے دی۔سری لنکا کے صدر نے کہا کہ حکومتی اہلکار آئی ایم ایف کی دوسری قسط کے لیے اپریل کے تیسرے ہفتے میں آئی ایم ایف کے حکام سے بات چیت شروع کریں گے۔
مزید پڑھیں
سری لنکا میں مظاہرین نے ایک بار پھر وزیراعظم ہاؤس پر دھاوا بول دیا
انہوں نے کہا کہ آئی ایم ایف پیکج سے کم سود پر قرضوں اور غیر ملکی سرمایہ کاری کے مواقع پیدا ہوں گے جس سے حکومت کو نئی اقتصادی سمت کا اعتماد ملے گا۔
بین الاقوامی مالیاتی فنڈ نے سری لنکا کے لیے 2 ارب 900 ملین ڈالر کے پیکیج کی منظوری دے دی ہے جس کے بعد سری لنکا کو ورلڈ بینک اور ایشیائی ترقیاتی بینک سے فنڈز ملنے کی توقع ہے۔
