اردو ورلڈ کینیڈا ( ویب نیوز )سری لنکا کے نومنتخب صدر انورا کمارا ڈسانائیکے نے عہدہ سنبھالنے کے ایک دن بعد ہی پارلیمنٹ کو تحلیل کر دیا تاکہ نومبر میں ہونے والے پارلیمانی انتخابات کی راہ ہموار کی جا سکے۔سری لنکا کی حکومت نے ایک گزٹ نوٹیفکیشن جاری کیا ہے، جس کے مطابق صدر انورا کمارا ڈسانائیکے نے پارلیمنٹ کو تحلیل کر دیا ہے کیونکہ ملک میں پارلیمانی انتخابات 14 نومبر کو ہوں گے اور اگلی پارلیمنٹ کا اجلاس 21 نومبر کو شروع ہو گا۔سری لنکا میں آخری عام انتخابات اگست 2020 میں ہوئے تھے جہاں اراکین اسمبلی کا انتخاب 5 سال کی مدت کے لیے کیا جاتا ہے۔

یہ بھی پڑھیں

انورا کمار سری لنکا کے نئے صدر منتخب ،صدر،وزیر اعظم پاکستان کی مبارکباد

واضح رہے کہ انورا کمارا ڈسانائیکے نے دو روز قبل سری لنکا میں صدارتی انتخابات میں کامیابی حاصل کی تھی جب کہ ان کی نیشنل پیپلز پارٹی کے موجودہ پارلیمنٹ میں 225 میں سے صرف 3 ارکان تھے جس کی وجہ سے انہیں اپنی پالیسیوں کے لیے نیا مینڈیٹ ملا ہے۔ سری لنکا میں 2022 کی معاشی تباہی کے پہلے صدارتی انتخابات ہفتے کے روز ہوئے تھے، اس کے بعد نومبر میں پارلیمانی انتخابات ہوں گے، تاہم نئے صدر انورا کمارا ڈسانائیکے معیشت کی بہتری کے لیے بڑے اقدامات کریں گے۔انہوں نے الیکشن سے قبل کہا تھا کہ وہ انٹرنیشنل مانیٹری فنڈ (آئی ایم ایف) سے 2.9 بلین ڈالر کے حصول کے لیے درکار شرائط پوری کریں گے تاکہ معاشی بحران پر قابو پایا جاسکے اور فلاحی کام بھی کیے جاسکیں۔