اردو ورلڈ کینیڈا ( ویب نیوز ) سری لنکا کے محکمہ موسمیات نے آنے والے دنوں میں کولمبو میں بھی بارش کی پیش گوئی کی ہے جس سے ایشیا کپ کے میچز متاثر ہونے کا خدشہ ہے۔

سپر فور مرحلے کے میچز 9 ستمبر سے کولمبو میں شروع ہوں گے، پاکستان، سری لنکا اور بنگلہ دیش کی ٹیمیں آج دوپہر کولمبو پہنچیں گی جب کہ بھارتی ٹیم پہلے ہی کینڈی سے کولمبو پہنچ چکی ہے۔

یہ بھی پڑھیں

ایشیا کپ: کولمبو میں بارش کے باعث میچ نہ ہوئے تو پاکستان فائنل کیلئے کوالیفائی کر لے گا

یاد رہے کہ کولمبو میں 10 روز تک شدید بارش کی پیشگوئی کی گئی ہے، سپر فور مرحلے کا کوئی بھی میچ نہ ہوا تو پاکستان پہلی پوزیشن پر برقرار رہے گا۔

سپر فور مرحلے کا شیڈول
9 ستمبر: بنگلہ دیش بمقابلہ سری لنکا، کولمبو

10 ستمبر: پاکستان بمقابلہ بھارت، کولمبو

12 ستمبر: ہندوستان بمقابلہ سری لنکا، کولمبو

14 ستمبر: پاکستان بمقابلہ سری لنکا، کولمبو

15 ستمبر: ہندوستان بمقابلہ بنگلہ دیش، کولمبو

کولمبو میں تمام میچز ضائع ہونے کی صورت میں پاکستان فائنل کے لیے کوالیفائی کر لے گا۔اس صورت حال میں سری لنکا اور بھارت کے پوائنٹس بھی برابر ہوں گے، میچ ضائع ہونے کی صورت میں نیٹ رن ریٹ نافذ نہیں کیا جائے گا تاہم پوائنٹس کی برابری اور رن ریٹ نہ ہونے کی صورت میں فیصلہ دوسرے نمبر پر ہوگا۔ ٹاس پر ٹیم بنائی جائے گی۔ایشیا کپ کا فائنل 17 ستمبر کو کھیلا جانا ہے اور 17 ستمبر کو کولمبو میں بھی بارش کا امکان ہے۔