اردو ورلڈکینیڈا ( ویب نیوز )تحریک انصاف کے وائس چیئرمین شاہ محمود قریشی نے کہا ہے کہ نئی پارٹی کا آغاز ایمرجنسی میں آمد پر موت کے مترادف ہے۔لاہور میں میڈیا سے گفتگو کرتے ہوئے شاہ محمود قریشی نے کہا کہ وفاقی حکومت نے 12 ماہ کا بجٹ دیا ہے اور پنجاب نے 4 ماہ کا بجٹ دینے کا فیصلہ کیا ہے۔ عبوری حکومت کو بجٹ پر نظر ثانی کرنا ہو گی۔ بجٹ کے نام پر قوم کا مذاق اڑایا جا رہا ہے۔

انہوں نے کہا کہ اسحاق ڈار پاکستان کی معیشت کا ہٹ مین ہیں، انہوں نے بجٹ میں الیکشن کے لیے پیسہ رکھا ہے، نیتوں کا اللہ جانتا ہے، اس بجٹ میں بار بار ترمیم کی جائے گی، تنخواہوں میں 30 سے 35 فیصد اضافہ کیا جائے گا، کہاں ہے پیسہ؟ کیا آپ کے پاس بجٹ میں 600 ارب کا سرپلس دکھایا گیا ہے، کہاں سے آئے گا؟

شاہ محمود قریشی نے کہا کہ موجودہ پارلیمنٹ کی مدت 12 اگست کو ختم ہو رہی ہے، اس لیے انتخابات کرانا ہوں گے۔

جہانگیر ترین کی پارٹی کے حوالے سے ان کا کہنا تھا کہ نئی پارٹی کا آغاز ایمرجنسی میں موت آنے کے برابر ہے ۔